Undir Glaðsheyggi 1

Hús við góðari staðseting og møguleikum

Hugnaligu húsini liggja ómetaliga væl fyri í veðurgóðum øki, einans eitt hanagleiv oman á Áarvegin. Hóast hesa serstøku staðseting mitt í býnum, hevur ognin sera gott útsýni oman á Tinganes, vesturbýin og niðan á Oyggjavegin.

Ognin liggur í fylgi viđ byggisamtyktini hjá Tórshavnar Kommunu í 2. grundumráði, ið er lagt til blandaða bústaða- og miðstaðarbygging. Miðstaðarbygging má einans vera hús, sum verða innrættað til handlar, skrivstovur, stovnar, gistingarhús, matsovurmentanarligir stovnar og tíllíkt.

Við staðseting upp at minnismerkinum av Niels R. Finsen, ríkisumboðnum og LÍV tryggingini (Quillingsgarđur), hevur núverandi eigari áður arbeitt við eini verkætlan, at byggja húsini um til matstovu. Skitsur av verkætlanini ið eru teknaðar av J. P. Gregoriussen liggja undir Fylgiskjøl. Fyri rætta keyparan eru góðir møguleikar við hesari ogn, men neyðug loyvi mugu fáast til vega.

Talan er um eini eldri hús, byggiárið er ókent. Ognin er dagførd leypandi tey seinastu árini og er í góðum standi, men hava sín serstaka dám og byggistíl, ið er varveittur.

Í miðhæddini er durur/gongd, baðirúm, køkur, spísirúm, stova og trappugongd. Í ovaru hæddini er eitt rúm við hanabjálkum og skráveggum við tripel. Í niðastu hædd er lágur kjallari.

Prísuppskot er 6.000.000 krónur ella um nøktandi boð fast.

Áhugaðir keyparar kunnu síggja og gjøgnumganga ognina eftir nærri avtalu.

Eg taki mær rættin, at gera av, um eg svarið boðum, og hvør fær keypsrættin.

Tilber eisini at ringja ella senda sms á 513421 fyri at hoyra nærri.